თქვენ აირჩიეთ ვინილის იატაკი და გსურთ მისი დამოუკიდებლად დაგება? ჩვენ სიამოვნებით დაგეხმარებით დაწყებაში და გაჩვენებთ, თუ როგორ უნდა გააკეთოთ ეს, ნაბიჯ-ნაბიჯ.
1) ვინილის იატაკის დაგების დაწყებამდე:
დაგების დაწყებამდე, საფუძვლიანად გაზომეთ ოთახის სიგრძე და სიგანე, რათა ზუსტად განსაზღვროთ დაგების ხერხი, რომელიც უზრუნველყოფს იატაკის ჰარმონიულ გარეგნობას. ეს განსაკუთრებით მნიშვნელოვანია ტიპური ნიმუშის მქონე ფილების გამოყენებისას. გარდა ამისა, დარწმუნდით, რომ არჩეული დაგების გეგმით, პანელების ბოლო რიგი არ იქნება ზედმეტად ვიწრო. თუ ბოლო რიგის სიგანე 5 სმ-ზე ნაკლები აღმოჩნდება, მაშინ მოხერხებულობისთვის, რეკომენდებულია პირველი რიგის პანელების სიგანის შემცირება.
2) საყრდენის დაგება:
გააბრტყელეთ საყრდენი ისე, რომ წარწერა "this side up" (ეს მხარე ზემოთ) იყოს ზევით. მჭიდროდ მიაწექით საყრდენი კედელს და მიაჭირეთ იატაკს. დაგეთ საყრდენი იმავე მიმართულებით, რომლითაც აპირებთ ვინილის იატაკის მონტაჟს. დადეთ საყრდენზე პანელების ერთი შეკვრა, რათა ის არ გადაადგილდეს, სანამ მას აბრტყელებთ.
დააწებეთ წებოვანი ლენტით პირველი და მეორე რიგები. ასე საყრდენი არ გადაადგილდება, და თქვენ არ დააზიანებთ მას სიარულისას.
ვიდეო ინსტრუქცია საყრდენის დაგების შესახებ
თქვენ შეგიძლიათ გაეცნოთ Quick-step-ის არსებულ საყრდენებს ვინილის იატაკის საფარისთვის.
3) შეფუთვიდან ამოღება და შემოწმება:
შეამოწმეთ ყველა პანელი მონტაჟამდე და მის დროს, ოპტიმალური განათების პირობებში, კუთხით, რათა აირეკლოს სინათლე. შეამოწმეთ ფერების შესაბამისობის სისწორე და პროდუქტის რაოდენობა გაკეთებული შეკვეთის მიხედვით. დარწმუნდით ყუთების გარე დაზიანებების არარსებობაში. მონტაჟის დროს, შეამოწმეთ პანელები ხილული დეფექტების არსებობაზე. არ დაგოთ პანელები, რომლებზეც შესამჩნევია ნებისმიერი ნაკლი. გასათვალისწინებელია, რომ ზოგიერთი დიზაინისთვის, შესაძლებელია ნიმუშში ბუნებრივი განსხვავებები.
4) დაგების მიმართულების განსაზღვრა:
დაგებისას, დააკვირდით, რომ პანელები არ კვეთდნენ ერთმანეთს, არ დაგოთ გვერდიგვერდ ძალიან ბევრი ერთნაირი, უფრო ღია ან უფრო მუქი პანელი. საუკეთესო ვიზუალური ეფექტისთვის, რეკომენდებულია პანელების დაგება გრძელი კედლის მიმართულებით, სინათლის ვარდნის პარალელურად. დარწმუნდით, რომ პანელების კიდეები ორ მომიჯნავე რიგში არ ემთხვევა. ისინი უნდა განლაგდეს ჭადრაკული წესით, არანაკლებ 30 სმ-ის ნაბიჯით. იატაკისთვის ბუნებრივი იერის მისაცემად და მექანიკური სიმტკიცის ასამაღლებლად, რეკომენდებულია პანელების დაგება შემთხვევითი თანმიმდევრობით, რაიმე ორნამენტის შექმნის გარეშე.
მნიშვნელოვანია! ვინაიდან კედლები თითქმის არასოდეს არის იდეალურად სწორი, უმჯობესია არ დაგოთ პირველი პანელი კედელთან მჭიდროდ. (დატოვეთ მცირე ტექნოლოგიური უფსკრული).
იხილეთ ვიდეო ინსტრუქციები თქვენი ვინილის იატაკის დაგების შესახებ.
